曲：冉天豪　詞：王友輝 
　　　
大船碼頭世界行，茶行鹽館淡水岸，
藝旦美麗的形影，江山樓頂拼輸贏，
波麗路啊山水亭，自由的思想尚時興，
文學歌謠美術和電影，無論啥麼阮是攏莫驚，
　　
攏莫驚，攏莫驚，文明的腳步就愛踏乎定，
汝是台北城內～繁華的現代大稻埕！
　　　
二十世紀向前行，文明走入台北城，
美麗花都的形影，要和東京拼輸贏，
黑貓姊啊黑狗兄，跳舞的腳步就愛踏乎定，
自由開化爬山又過嶺，無論啥麼阮是攏莫驚！
　　　
攏莫驚，攏莫驚，跳舞的腳步就愛踏乎定，
阮是台北城內，文明的黑貓黑狗兄！