八月十五彼一天　船要離開琉球港
只有船煙白茫茫　全無朋友來相送
滿腹憂悶心沉重　看無愛人伊一人
堅心忍著純情愛　帶著寂寞來出航

生活海面行船岸　海水潑來冷甲寒
為著前途來打拚　心愛應該了解我
無情風浪怎抹停　心事一層又一層
奮鬥打拚的男性　將來才有好前程

船若入港兩三天　又擱趕緊要出港
阮的愛人無來送　叫阮怎樣來出帆
行船的人免怨嘆　心情著愛放輕鬆
等船重入琉球港　約束心愛伊一人