尋覓天空的一角，憩息..

苗栗。山。海 miau5-lek, suann, hai2 逐擺到苗栗， 就會想著即段音樂 。 即張相片，是用佇專輯裡「阿爸彼兩甲地」的配圖做底，提供相片的，是我的朋友 柑仔青 ，柑仔青是苗栗苑裡的人。 彼當陣，四界向朋友討看有稻仔的圖無，後來平面設計選即張，取局部，雖然知也是構圖的需要，毋拘，亦是忍不住安呢碎碎念：哎，這一看就知也毋是阮屏東的田，這是北仔的，佇田裡正看有即款低（ke7）山佮竹廍…… 苗栗的田就像安呢，因為海風、東北風強，田岸攏會種竹仔、樹仔防風，兩冬稻仔割起來了後看是放空田抑是掖菜籽，種油菜花。 （待續） 全文請至　 http://blog.yam.com/cit_lui_hoe/article/6292235 清流 詞 呂秀蘭│曲 王昭華│演唱 簡鳳儀│編曲 徐清原 溪是風格 水是人格 咱是徛佇大安溪邊祖先的開墾地 台灣啊台灣 山海好景緻 苗栗啊苗栗 愛出好立委 溪是風格 水是人格 咱那通無來支持家己的在地 鄉親啊鄉親 目睭就扒金 台灣啊台灣 正會有希望 毋通等到土石流崩來 怨嘆揮目屎 毋通放予伊一港清流 恬恬來流過 請你疼惜即港清流灌溉咱土地 寶惜囝孫遠景的美麗 溪是風格 水是人格 咱是徛佇大安溪邊祖先的開墾地 台灣啊台灣 山海好景緻 苗栗啊苗栗 就愛出好立委

佇遐，佇遮 ──王昭華  試填 李宗盛曲「愛的代價」 ◎原詞曲 李宗盛│台語版試填 王昭華│錄音協力 周谷淳 若想起袂記得的彼首歌詩（ 如果想起忘記了的那首歌詩 ） nā siūⁿ-khí bē-kì-tit ê hit siú koa-si 親像永遠袂謝的花蕊（ 好像用遠不會凋謝的花朵 ） chhin-chhiūⁿ éng-óan bē-siā ê hoe-lúi 吟過青春懵懂年少（ 吟過青春懵懂年少 ） gîm kòe chheng-chhun bóng-tóng liân-siàu 看世事無常（ 看世事無常 ） khòaⁿ sè-sū bû-siông 看人情變換（ 看人情變換 ） khòaⁿ jîn-chêng piàn ōaⁿ 仝款是日頭溫純的秋天（ 同樣是日頭溫煦的秋天 ） kāng-khóan sī ji̍t-thâu un-sûn ê chhiu-thiⁿ 東北風向南爿吹啊（ 東北風向南邊吹啊 ） tang-pak-hong hiòng lâm-pêng chhoe ah 菅芒花唯溪埔轉白（ 芒草花從溪邊轉白 ） koaⁿ-bâng-hoe ùi khe-po͘ tńg pe̍h 避冬的鳥隻（ 避冬的鳥兒 ） phiah-tang ê chiáu-chiah 已飛過萬重山（ 已飛過萬重山 ） í poe kòe bān-têng-soaⁿ 佇遐，佇遐（ 在那，在那 ） tī hia, tī hia 過眼雲煙如夢幻泡影（ 過眼雲煙如夢幻泡影 ） kòe-gán-hûn-ian jû bōng-hòan-pho-iáⁿ 佇遐，佇遐（ 在那，在那 ） tī hia, tī hia 千江有水千江月啊（ 千江有水千江月啊 ） chhian kang iú súi chhian kang goat ah 佇遐，佇遐（ 在那，在那 ） tī hia, tī hia 歡喜悲傷佮所有的疼（ 歡喜悲傷和所有的愛 ）註1 hoaⁿ-hí pi-siong kap só͘-ū ê thiàⁿ 雖然滄桑變化（ 雖然滄桑變化 ） sui-jiân chhong-song piàn-hòa 天地深緣對看（ 天地深緣對看 ） 註2 thiⁿ tē chhim-iân tùi khòaⁿ 直到 海礁石爛（ 直到 海枯石爛 ） ti̍t-kàu, hái-ta-chio̍h-nōa 有時阮想著嘛會來毋甘（ 有時我想到也會捨不得 ）註3 ū-sî gún siūⁿ-tio̍h mā-ē lâi m̄-kam 毋甘咱完全來放（ 捨不得我們完全來分手 ） m̄-kam lán oan-chôan lâi pàng 毋甘岔路袂得相通（ 捨不得岔路不得相通 ） m̄-kam chhe-lō͘ bē ti̍t sio thàng 總是有一工（ 總是有一天 ） chóng-sī ū chi̍t-kang 毋甘也著甘（ 捨不得也得捨得 ） m̄-kam iā-tio̍h kam 仝款是日頭溫純的秋天（ 同樣是日頭溫煦的秋天 ） kāng-khóan sī ji̍t-thâu un-sûn ê chhiu-thiⁿ 東北風向南爿吹啊（ 東北風向南邊吹啊 ） tang-pak-hong hiòng lâm-pêng chhoe ah 菅芒花滿山遍白（ 芒草花滿山遍白 ） koaⁿ-bâng-hoe móa soaⁿ phiàn pe̍h 遠行的鳥隻（ 遠行的鳥兒 ） oán-hêng ê chiáu-chiah 是自由是宿命（ 是自由是宿命 ） sī chū-iû sī so̍k-miā 佇遮，佇遮（ 在這，在這 ） tī-chia, tī chia 過眼雲煙如夢幻泡影（ 過眼雲煙如夢幻泡影 ） kòe-gán-hûn-ian jû bōng-hòan-pho-iáⁿ 佇遮，佇遮（ 在這，在這 ） tī chia, tī chia 千江有水千江月啊（ 千江有水千江月啊 ） chhian kang iú súi chhian kang goat ah 佇遮，佇遮（ 在這，在這 ） tī chia, tī chia 歡喜悲傷佮所有的疼（ 歡喜悲傷和所有的愛 ） hoaⁿ-hí pi-siong kap só͘-ū ê thiàⁿ 雖然滄桑變化（ 雖然滄桑變化 ） sui-jiân chong-song piàn-hòa 雙人惜情對看（ 兩人惜情對看 ） siang-lâng sioh-chêng tùi khòaⁿ 曾經 海礁石爛（ 曾經 海枯石爛 ） chêng-keng hái-ta-chio̍h-nōa （間奏） 佇遐，佇遮（ 在那，在這 ） tī-hia, tī chia 過眼雲煙如夢幻泡影（ 過眼雲煙如夢幻泡影 ） kòe-gán-hûn-ian jû bōng-hòan-pho-iáⁿ 佇遐，佇遮（ 在那，在這 ） tī-hia, tī chia 千江有水千江月啊（ 千江有水千江月啊 ） chhian kang iú súi chhian kang goat ah 佇遐，佇遮（ 在這，在這 ） tī-hia, tī chia 歡喜悲傷佮所有的疼（ 歡喜悲傷和所有的愛 ） hoaⁿ-hí pi-siong kap só͘-ū ê thiàⁿ 雖然滄桑變化（ 雖然滄桑變化 ） sui-jiân chong-song piàn-hòa 雙人惜情對看（ 兩人惜情對看 ） siang-lâng sioh-chêng tùi khòaⁿ 曾經 海礁石爛（ 曾經 海枯石爛 ） chêng-keng hái-ta-chio̍h-nōa 註1 「疼」的音在台語裡有兩個意思，一個是「痛」，一個是「疼愛」的「疼」，台語的《聖經》裡，「神愛世人」及「彼此相愛」的「愛」，都翻譯為「疼」的音。 註2 「深緣」：台語中有「深緣」、「淺緣」兩個對照詞，一個女生如果剛開始看不好看，越看越好看、耐看，叫做這個女生很「深緣」；反之，如果剛開始看很好看，越看越不耐看，就叫「淺緣」的女生。 註3 「毋甘」這個詞很特別，因為它有兩個意思，一個是「捨不得」，一個是「不甘願」，都包含在同一個詞裡，由聽者從音調的些微變化去體會說者究竟是「捨不得」還是「不甘願」。 ◎2006/4/13 定稿，10/6錄唱，佇淡水

美麗 ──王昭華 試填宮崎駿「神隱少女」片尾曲いつも何度でも 引用： http://blog.roodo.com/cit_lui_hoe/archives/1876683.html#trackback 無岸的大海是藍色的（ 無岸的大海是藍色的 ） Bo5-hoann7 e5 toa-hai2 si7 na5-sek --e5 咱的島是綠色的（ 我們的島是綠色的 ） Lan2 e5 to2 si7 lek8-sek --e5 齒屐的山看著青青（ 鋸齒狀的山看起來青青 ） Khi-khia e5 soann khoann3-tioh8 chhinn-chhinn 山頂的雲白白（ 山頂的雲白白 ） Soann-teng2 e5 hun5 peh8-peh8   看袂著的風是無色的（ 看不見的風是無色的 ） khoann3 be7-tioh8 e5 hong si7 bo5-sek --e5 清水是透明的（ 清水是透明的 ） chheng-chui2 si7 thau3-beng5 --e5 貓面的地球憨憨踅（ 麻臉的地球笨笨的旋轉著 ） niau-bin e5 te7-kiu5 gong7-gong7 seh8 毋拘遮呢美麗（ 可是這麼美麗 ） m7-ku chia-nih8 bi2-le7 日頭光啊炎炎 照入即個花花世界（ 日頭光啊炎炎 照著這個花花世界 ） jit9-thau5 kng a iam7-iam7 chio3-jip8 chit-e hoa-hoa se3-kai3 勞碌的人當時 停睏一下（ 勞碌的人何時 停歇一下 ） lo5-lok8 e5 lang5 tang-si5 theng5-khun3 chit8-e5 拍開目睭共看覓（ 打開眼睛看看它 ） phah-khui bak8-chiu ka7 khoann3-mai7 叫是攏相仝的 結果煞攏無相仝（ 以為是都相同的 結果卻都不相同 ） Kio3-si7 long2 sio-kang5 e5 kiat-ko2 long2 bo5 sio-kang5 擱較予人看無目地的細粒籽（ 再怎麼讓人看不起眼的小種子 ） Koh-khah hou7-lang5 khoann3 bo5 bak8-te7 e5 se3-liap8-chi2 嘛有活命咧生湠（ 也有生命在繁衍 ） ma7 u7 oah8-mia teh8 sinn-thoann3 無邊的宇宙是冰冷的（ 無邊的宇宙是冰冷的 ） Bo5-pinn e5 u2-tiu7 si7 peng-leng2 e5 太陽是燒熱的（ 太陽是暖熱的 ） Thai3-iong5 si7 sio-joah8 e5 若鑽石的閃熠天星（ 像鑽石的閃爍天星 ） Na2 soun-chioh8 e5 siam2-sih thinn-chhinn 毋知通滯人也袂（ 不知能住人了沒 ） M7-chai thang toa3-lang5 iah be7 看袂著的你變土粉做的（ 看不見的你變泥土做的 ） Khoann3 be7-tioh8 e5 li2 pinn3 thou5-hun2 choe3 e5 我猶原有肉有血（ 我依然有肉有血 ） Goa2 iu5-goan5 u7-bah-u7-huih 一目睨的人生短短（ 一眨眼的人生短短 ） Chit8-bak8-nih e5 jin5-seng te2-te2 毋拘遮呢美麗（ 可是這麼美麗 ） m7-ku chiah-nih8 bi2-le7 月娘光啊恬恬 照入即個烏暗世界（ 月娘光啊靜靜 照著這個黑暗世界 ） Goeh8-niu5 kng a tiam7-tiam7 chio3-jip8 chit-e ou-am3 se3-kai3 受傷的人當時 得著安慰（ 受傷的人何時 得著安慰 ） Siu7-siong e5 lang5 tang-si5 tit-tioh8 an-ui3 袒開心肝共看覓（ 敞開心肝看看它 ） Than2-khui sim-koann ka7 khoann3-mai7 空嘴攏無相像 疼的痛苦攏相像（ 傷口都不一樣 疼的痛苦都一樣 ） Khang-chhui3 long2-bo5 sio-siang5 thiann3 e5 thong3-kho2 long2 sio-siang5 擱較軟汫的人嘛有堅強的力量（ 再怎麼軟弱的人也有堅強的力量 ） Koh-khah nng2-chiann2 e5 lang5 ma7-u7 kian-kiong e lek8-liong7 因為重生的向望（ 因為重生的盼望 ） in-ui3 tiong5-seng e5 ng3-bang7 敷（hu）…… 啦（la）…… 一目睨 有向望抱咧（ 一眨眼 有盼望抱著 ） Chit8-bak8-nih u7 ng3-bang7 pho7 leh 一目睨 通堪得痛咧（ 一眨眼 能堪得痛著 ） Chit8-bak8-nih thang kham-tit8 thiann3 leh 一目睨 真實活咧（ 一眨眼 真實活著 ） Chit8-bak8-nih chin-sit8 oah8-leh 正會遮呢美麗（ 才會這麼美麗 ） Chiah-e7 chiah-nih8 bi2-le7